انواع حمام الكريم

السلام عليكم يا حبيباتى
انا اول مرة اكتب فى القسم ده لانى ماكونتش مهتمة بشعرى خالص لكن اخيرا جيبت بيبي ليس فقولت بئا لازم اهتم بشعرى عشان مايتبهدلش و يبوظ اكتر ما هو بايظ الحكاية مش ناقصة
و اثناء بحثى عن نوع حمام كريم كويس دوخت بصراحة و الاراء فى فتكات حيرتنى اللى تقول النوع ده حلو و التانية تقول لاء ده وحش جدا و لفيت لفة محترمة على المحلات و شوفت الاسعار فقولت لازم افيد فتوكاتى حبايبى و جبتلكوا الخلاصة
اولا كل واحده لازم تكون عارفة طبيعة شعرها ايه و تشوف ايه اللى يمشى معاها يعنى ممكن تلاقى الناس كلها بتشكر فى نوع معين و تروحى و تدفعى فيه فلوس اد كده و بعدين تلاقيه وحش جدا معاكى هى الناس دى كلها ما بتفهمش يعنى ولا ايه؟؟ لاء انتى شعرك مختلف عنهم عشان كده مش مناسب ليكى عشان كده نصيحة اللى تشترى حاجة لاول مرة تجيب العبوات الصغيرة الاول مفيش داعى تستعجلى و تجيبى العبوة كيلو
تانى حاجة يستحسن كل فترة تغيرى نوع حمام الكريم اللى بتستخدميه و كذلك الشامبو و البلسم لان بعد فترة الشعر بيتعود عليه و بتلاقى انه ماعدش ليه تأثير على شعرك زى الاول فممكن تغيرى و تستخدمى نوع تانى و بعدها ترجعى للنوع اللى كان مريحك لو حابة
ندخل بئا فى المهم

انواع حمام الكريم

الترتيب هنا من الاغلى للارخص و هاقولكم ايه احسن الانواع او اللى اغلب الناس شكرت فيهم


تريسمى
TRESemme
افضل انواع حمام الكريم بالاسعاااار

دى عبوة 500 مل بحوالى 80جنية غالى اوى و مش واخد شهرة جامدة كحمام كريم

فاشكول
FASH KOOL
افضل انواع حمام الكريم بالاسعاااار
دى العبوة الكبيرة ب 90 جنية كبيرة اوى مش عارفة بصراحة هى كيلو ولا كيلو و نص و فى منه عبوة اصغر تقريبا نص كيلو ب 47


باويوبوينت
Biopoint
افضل انواع حمام الكريم بالاسعاااار

العبوة ب 35 جنية فى منه انواع بس اللى هتشترية تجيب بالنخاع لانه احسن نوع


لوريس
LORYS
افضل انواع حمام الكريم بالاسعاااار
العبوة بتاعته كبيرة كيلو و فى منه انواع كتير اوىىىى

افضل انواع حمام الكريم بالاسعاااار
بس احسن انواعه اللى بالثوم ريحته حلوة اوى و كمان اللى بالكيراتين و زيت الحية حلوين


كارتيه
Les Karite
افضل انواع حمام الكريم بالاسعاااار
كارتيه العبوة 500 مل ب 30 جنيه و فى منه عبوات صغيرة ب 8 جنيه تكفى مرة او مرتين
من واقع بحثى و لفى و دورانى لقيت ان ده ممكن يكون الكينج بتاع حمامات الكريم او رقم واحد لانى بصراحة مالقيتش حد قال عليه مش حلو الكل قال انه رائع لكن برده نرجع نقول اللى يمشى مع شعرك ممكن مايمشيش مع شعر واحده غيرك


ايجو
Ego
افضل انواع حمام الكريم بالاسعاااار
ايجو ايطالى ب 25 و فى ناس كتير شكرت فيه خاصة النوع اللى بالكيراتين و فى منه بزيت الزيتون و بجنين القمح


بوناويل
BONAWELL
افضل انواع حمام الكريم بالاسعاااار
افضل انواع حمام الكريم بالاسعاااار
فى منه 3 عبوات الكبيرة 500 مل ب 22 جنيه و العبوة الاصغر 250 مل ب 15 جنية و فى اكياس صغيرة تكفى مرة ب 3.5
انواعه باجنين القمح و المشمش و الخوخ
ده ممكن يكون اكتر كريم واخد شعبية و اكتر واحد عليه اجماع خصزصا انه سعر رخيص و فى متناول الايد



فاتيكا
VATIKA
افضل انواع حمام الكريم بالاسعاااار
العبوة 500 مل ب 15 جنيه و فى عبوة اصغر ب 8 جنية
فاتيكا كل اللى جربوه شكروا فيه اوى


فى بئا انواع مش مشهورة و مش غالية ثمنهم ما بين 10 ل 15 جنيه و العبوة كبيرة بس اللى استخدمهم شكر فيهم برده اول نوع ده


هيربال
Herbal
افضل انواع حمام الكريم بالاسعاااار
و ده التانى
هير دو
Hair Do
افضل انواع حمام الكريم بالاسعاااار
هير دو انا جربتا البسلم بتاعه و لقيته حلو و اللى جربوا حمام الكريم شكروا فيه و قالوا انه حلو
اظن مش شرط تكون الحاجة غالية اوى عشان تكون كويسه فى ماركات بتكون غاليه اوى عشان اسمها و عشان مشهورة بس مش عشان حاجة تانيه

فى بئا حمام كريم دوف Dove
انا بصراحة بدات اشك انه موجود اصلا دورت عليه مش لقيته و فى صيدلية دخلتها عشان اسال عليه الصيدلى قالىهو فى حمام كريم دوف اصلا؟
بس فى اشاعات بتقول انه موجود العبوة سعرها من حوالى 40 جنيه مش متاكده من سعره لانى ماشوفتوش و حتى مش لاقيه ليه صورة على النت بس الاشاعات بقول ان غطاه لونه موف
و ده فى ناس شكرت فيه جدا و فى ناس قالت وحش جدا مش عارفه بصراحة ايه الحقيقة مع انى اعرف ان منتجات دوف كلها تحفة


فى كمان هير كير Hair care
ده ب 12 جنية مش لاقيه صورة ليه و احسن انواعه اللى بالنخاع


و اخيرا و ليس اخرا فى حاجة برده واخدة شهرها اسمها
حمام الكريم بزيت الحية العبوة 1000 مل ب 40
ناس كتير اوى برده بتشكر فيه


طب ايه احسن نوع



بوناويل واخد رقم واحد تقريبا الشعب المصرى كله بيستخدمه
و تانى واحد على طول هو كارتيه ده عجبنى جدا بصراحة و عايزة اجيبه بس لما اخلص اللى عندى
انا عندى بوناويل بس لسه ماجربتوش

وراهم يجى فاشكول و ايجو و بايوبوينت

و عموما كل الانواع اللى انا جايباها دى ناس كتير شكرت فيها و اللى جربهم قال عليهم حلو فى انواع تاينة كتير انا مش كاتباها لان الكلام عليها مش اد كده

طبعا الاسعار دى مش ثابتة الاسعار بتختلف من مكان للتانى يعنى مش شرط تشترى بنفس الاسعار ده بيكون على حسب انتى بتشترى منين الصيدليات مثلا غالية عن المحلات و فى محلات غالية و محلات رخيصة و فى فتح الله اسعاره كويسه


ياريت ماننساش التقييم و احنا ماشيين عشان غيرنا يستفيد و عشان انا تعبت فى الموضوع ده
و ادعولى بصلاح الحال